المجتمع السوي

[كتله مشاعر مهمله]

السلام عليكم ورحمة الله وبركاته

كيف الحال جميعا ...
في موضوع مدري القليل منا يتكلم عنه مدري ليه ؟؟ يمكن ما نبي نفتحه او مانبي نخوض تفاصيله لكن انا حبيت انا افتحه وابشوف راي الاعضاء فيه لانكم من هالمجتمع اللي حنا نعيش فيه ..

الموضوع هو المجتمع السوي ... او ببساطه المجتمع النموذجي .. في المجتمعات الغربيه يحاولون انهم يوصلون للكمال او للمجتمع النموذجي من خلال العنايه بالمواطن في كل المجالات واهم شي الناحيه النفسيه والاجتماعيه والصحيه والماديه .. وذلك من خلال البرامج اللى يحطونها دايم واحيانا يجبرون المواطن هناك انه يمشي على هذي النظم والقوانين والمعايير ..
في مجتمعاتنا العربيه او المجتمعات الشرقيه بصفه عامه يمكن لو اقول انها قليله او معدومه مع العلم وجود هيئات تمثل كل النشاطات الي انا اتكلم عنه لكن ماعليها اقبال او محد مهتم فيها او يمكن ما تم التركيز عليها من خلال المسؤولين .
طبعا يمكن البعض ما فهم النقطه اللى انا ابي اتكلم عنهاواحب اوضحها الحين للجميع ...
ظاهره الكذب
ظاهره الخداع
ظاهره الخيانه
ظاهر الزواج
ظاهره الطلاق
ظاهره تربيه الابناء
ظاهره الرشوه
ظاهره الجريمه
ظاهره الارهاب
ظاهره البحث عن عمل
ظاهره السفر للخارج
وهناك الكثير من الاشياء اللى يجب ان نقف عندها وناقشها مع الجميع ... الكبار والصغار ... الشباب والبنات ... يعني المجتمع كله لازم يشارك فيها ..
في المجتمعات الغربيه يهتمون بالنشا او بالطفل ... هل في مجتمعاتنا الشرقيه او بالاخص مجتمعنا حنا هل توجد عتايه بالنشا ؟؟
وطاهره الكذب المنتشره بينا ... نكذب في كل شي ... حتي في ابسط شي ... في البيت اذا كان مالنا خلق نطلع من البيت وسالنا اي احد ليه ما تطلع يمكن البعض يقول انا تعبان او تعبانه .. مع العلم انه ماله خلق .. هل هذا نقدر نصنفه من باب الكذب او لا ..
ولا ابي اخوض في كل الاشياء لكن السؤال المطروح .... هل نقدر نكون او نمشي في اتجاه المجتمع السوي ؟؟ ماقول مجتمع الكمال او المجتمع النموذجي لان هذا شي صعب جدا لكن هل نقدر نبدا بالطريق الي المجتمع السوي او المجتمع النموذجي ولو بدايه ؟؟ او نستمر على الوضع هذا من كذب وخداع وخيانه وعلى راي واحد من الشباب دايم يقولي ياخي مالك دخل بالعالم العالم تبي كذا ؟ هل فعلا حنا نبي كذا ؟؟ هل فعلا حنا نحب الكذب ؟؟ هل فعلا حنا نحب الخداع والخيانه والرشوه والتفحيط والغزل والتفاهه ؟؟؟ هل فعلا حنا كذا ؟؟؟
سؤال كبير مره وانا كل يوم وكل ساعه اسال نفسي نفس السؤال هذا
الي متي وحنا على هالدرب ؟؟؟
اللى عنده شجاعه ادبيه ويقدر يجاوب ولو على بعض الاجوبه حتي لو بينه وبين نفسه يعلمني ..
في امان الله

[عذبة الروح]

السلام عليكم ورحمة الله وبركاته

أخي الكريم كتلة ..

أثرت موضوع هو حلم كل مجتمع بل حلم يراود الأسر والأفراد
لكن للأسف أنت سألت نفسك ..
إلي متي وحنا على هالدرب ؟؟؟
يمكن عندي إجابة مختصرة لهذا التساؤل
( إن الله لايغير مابقوم حتى يغيروا مابأنفسهم )
فبعد الناس عن دينهم وعقيدتهم هوو اللي أوجد هذا المزيج من الخصال السيئة المتفشية في مجتمعاتنا المسماة مجتمعات إسلامية ( إسلام بدون مسلمين )
فلو عدنا إلى تعاليم ديننا والتزمنا بشرعه ومنهاجه فوالله لوصلنا إلى الحلم الضائع
المجتمع السوي هو فقط مجتمع .. مسلم .. مسلم .. مسلم
لن تجد إجابة صادقة وواقعية غير تلك
لك خالص الإحترام والتقدير أيها المميز

لهفة

[سجينة القدر]

أحسنت في اختيار الموضووووووع .. فنحن بحاجه إلا مثل هذه المواضيع الهادفه ..

سؤالك : إلى متى وإحنا على هالدرب ؟؟؟

في الحقيقه إن هذا السؤال حساس جدا ..

فعندما نبحث عن مجتمع سوي نعيش فيه .. وحياه تعطينا اشياء كثيره .. فأننا بذلك نسبب لأنفسنا إحباطا

وحزنا وأسى لاداعي له ..

فنحن ننتظر أن تسير أحداث حياتنا ومجتماعاتنا بالأسلوب الذي نرضاه ونتوقعه .. وأن الناس يجب

أن يسيرواااا إلى بناء مجتمع نموذجي وسوي .. ولكن عندما لايحدث ذلك كما هو الحال في الغالب

ينتهي بنا الأمر إلى الشعور بالحزن والتعاسه ..

يمكننا أن نخلق لنفسنا بيئه متوازنه من حولنا أي نبدأ بالبيت والأسره نسيرهاااااا لخلق مجتمع سوووووي بغض

النظر عن باقي المجتمع .. وسوف نشعر بالسعاده .. والرضا ..

فالبشر يخطئوووون ... أحيانا يكون بعض الناس وقحين .. كذابين ......... الخ . لايستحقون الحياااااااااااه ..

فيجب بدل أن نصاب بالأحباط .. نتعامل مع هؤلاء بكل بساطه .. لأننا سنتعب في النهايه ..

والحقيقة الثابته ألا نتوقع سير الأمور على نحو غير ذلك .. فلنبدأ بأنفسنا أولا ......

تحياتي / سجينة القدر